Врз основа на член 50 од Законот за локална самоупрва (“Службен весник на РМ” број 05/02) а согласно Програмата за доделување на награди за најдобар наставник во одделенска и предметна настава во општинските основни училишта и најдобар наставник во средните општински училишта во Општина Прилепброј 09-4248/20 од 28.12.2023 година и Правилникот за услови и критериуми за доделување награди за најдобар наставник во одделенска и предметна настава во општинските основни училишта и најдобар наставник во средните општински училишта во Општина Прилеп, број 09-4248/21 од 28.12.2023 година, Општина Прилеп објавува:
Ј А В Е Н П О В И К
за доделување награди за најдобар наставник во одделенска и предметна настава во општинските основни училишта и најдобар наставник во средните општински училишта во Општина Прилеп
Опис на јавниот повик
1.1.Опшествена одговорност кон настаниците од основните и средните општински училишта со цел мотивирање за подобрување на образовниот и општествениот процес, препознавање на потенцијалот кај учениците, како и развој на науката која може да придонесе за личен и општествен развој.
Крајна цел на доделувањето на награди е придонес на наставниците во образовниот и општествениот процес кон Општина Прилеп, како и за нејзина афирмација.
1.2. Јавниот повик ќе трае 5 (пет) денови, не сметајќи го денот на неговото објавување.
1.3. Јавниот повик е објавен на ВЕБ страната на општина Прилеп www.prilep.gov.mk, огласната табла на Општина Прилеп и на локалните електронски медиуми во Општина Прилеп
2.1.Право на учество на јавниот повик
Право на учество имаат:
– наставници кои се вработени во општинските основни училишта и средните општински училишта во Општина Прилеп;
– наставникот да има засновано работен однос на неопределно работно време во воспитно-образовна институција;
– наставникот да не е орган на раководење во воспитно-образовна установа во моментот на аплицирање;
– право на учество имаат наставници кои не се наградувани последните 5 години.
2.2.Критериуми за доделување награди за најдобар наставник во одделенска и предметна настава во општинските основни училишта и најдобар наставник во средните општински училишта во Општина Прилеп се:
1.Планирање, реализирање и организирање на наставата (годишно тематско планирање, дневно планирање, уредно водење е-дневник, додатна и дополнителна настава, применува иновативни наставни методи, форми и техники) доказ-потврда од училиштето (мислење од наставничкиот совет)…………………………………………………3 бода
2.Соработка и работа со наставници, родители, со заедницата (доказ – фотографии, записници, белешки)………………………………………………………………………………………..3 бода
3.Учествување во училишни инклузивни тимови (доказ – решение за учество во тим / комисија и сл.)…………………………………………………………………………………………………..1 бод
4.Промовирање на училиштето и Општина Прилеп на (медиуми, фестивали, настани организирани на општинско, државно и меѓународно ниво) доказ – фотографии, потврди ……………………………………………………………………………………………………………5 бода
5.Споделување на добри наставни практики во стручни списанија (доказ – прилог од објава) ……………………………………………………………………………………………………….1 бод
6.Награда на училишен конкурс (доказ–дипломи, признанија, пофалници, благодарници)…………………………………………………………………………………………………..1 бод
- Награди на натпревари организирани од акредитирани здруженија на наставници за тековната учебна година
– Награда на училишен натпревар (доказ – дипломи, признанија, пофалници, благодарници)…………………………………………………………………………………………………..1 бод
– Награда на општински натпревар (доказ – дипломи)
- Прво место општински натпревар……………………………………………………………….3 бода
- Второ место општински натпревар………………………………………………………………2 бода
- Трето место општински натпревар………………………………………………………………..1 бод
- Награда на регионален натпревар (доказ – дипломи)
- Прво место регионален натпревар………………………………………………………………6 бода
- Второ место регионален натпревар……………………………………………………………..5 бода
- Трето место регионален натпревар……………………………………………………………..4 бода
- Награда на државен натпрвар (доказ – дипломи)
- Прво место државен натпревар…………………………………………………………………………………..9 бода
- Второ место државен натпревар…………………………………………………………………………………..8 бода
- Трето место државен натпревар…………………………………………………………………………………..7 бода
- Награда на меѓународен натпревар (доказ – дипломи)
- Прво место меѓународен натпревар………………………………………………………………………………….12 бода
- Второ место меѓународен натпревар………………………………………………………………………………….11 бода
- Трето место меѓународен натпревар………………………………………………………………………………….10 бода
Наградите на општински, регионален, државен и меѓународен натпревар се бодираат само еднаш и тоа највисоко постигнатиот резултат.
8.Учество во рализација на проекти и семинари кои се од значење за воспитно – образовниот процес, согласно наставните планови и програми за основно образование, во тековната учебна година, организирани од акредитирани и регистрирани установи, институции, и здруженија ( доказ – потврда од институцијата, носител на процесот )
- Координатор на меѓународен проект……………………………………………………………………………………………………6 бода
- Координатор на државен проект……………………………………………………………………………………………………5 бода
- Координатор на регионален проект……………………………………………………………………………………………………4 бода
- Координатор на општински проект……………………………………………………………………………………………………3 бода
- Член на тим меѓународен проект……………………………………………………………………………………………………4 бода
- Член на тим државен проект……………………………………………………………………………………………………3 бода
- Член на тим регионален проект……………………………………………………………………………………………………2 бода
- Член на тим општински проект……………………………………………………………………………………………………..1 бод
- Учество на семинари и обуки………………………………………………………………………………………………………1 бод
– Дисеминација на семинари и обуки ( потврда од училиштето)………………………………………………………………………………………………….1 бод
9.Автор или коавтор на учебници издадени во тековната учебна година (доказ – изданија)…………………………………………………………………………………………………..10 бода
10.Автор на стручна литература издадена во тековната учебна година(доказ-изданија)……………………………………………………………………………………………………………..4 бода
2.3.Ќе се вреднуваат резултати постигнати во тековната учебна година. Еден наставник може да конкурира само за еден наставен предмет. Бројот на пријавени наставници од едно училиште не е ограничен.
3.Начин на пријавување на јавниот повик
3.1. Заинтересираните наставници треба да ги достават следните документи до Општина Прилеп:
- Пријава од наставникот;
- Потврда од училишето за засновен редовен работен однос на неопределно време;
- Потврда од училиштето (мислење од наставничкиот совет) за Планирање, реализирање и организирање на наставата (годишно тематско планирање, дневно планирање, уредно водење е-дневник, додатна и дополнителна настава, применува иновативни наставни методи, форми и техники).
- Доказ – фотографии, записници, белешки за Соработка и работа со наставници, родители, со заедницата
- Доказ – потврда за учество во тим / комисија и сл. за учествување во училишни инклузивни тимови
- Доказ – фотографии, потврди за промовирање на училиштето и Општина Прилеп на (медиуми, фестивали, настани организирани на општинско, државно и меѓународно ниво)
- Доказ – прилог од објава за споделување на добри наставни практики во стручни списанија
- Доказ–дипломи, признанија, пофалници, благодарници за награда на училишен конкурс
- Доказ – дипломи, признанија, пофалници, благодарници за награди на натпревари организирани од акредитирани здруженија на наставници за тековната учебна година
- Доказ – потврда од институцијата, носител на процесот за учество во рализација на проекти и семинари кои се од значење за воспитно – образовниот процес, согласно наставните планови и програми за основно образование, во тековната учебна година, организирани од акредитирани и регистрирани установи, институции, и здруженија
- Потврда од училиштето за учество на семинари и обуки и дисеминација на семинари и обуки
- Доказ – изданија за Автор или коавтор на учебници издадени во тековната учебна година и Автор на стручна литература издадена во тековната учебна година
- Нотарски заверена изјава од наставникот дека доставените документи се вистинити и дека податоците одговараат на прикажаната состојба;
- Изјава за давање согласност за обработка и користење на личните податоци;
- Фотокопија од личната карта на наставникот.
3.2.Пријавите на наставниците со потребната документација треба да се достават до архивата на Општина Прилеп или да се достават по пошта до: ЕЛС Општина Прилеп ул.,,Прилепски Бранители” бр.1 Прилеп со назнака: ,,За јавниот повик за доделување награди за најдобар наставник во одделенска и предметна настава во општинските основни училишта и најдобар наставник во средните општински училишта во Општина Прилеп”.
Копието од лична карта и копието од трансакциона сметка, како и секоја друга документација која содржи лични податоци за подносителот на барањето, задолжително се доставуваат во затворен коверт, со назнака ,,строго доверливо-лична документација,, како прилог кон барањето.
4.Начин на спроведување на јавниот повик
4.1. Советот на Општина Прилеп има формирано Комисија за општествени дејности и заштита на правата на децата
4.2 Комисија за општествени дејности и заштита на правата на децата ќе ги разгледаат пристигнатите барања и документацијата во прилог со цел да утврди дали истите се уредни и комплетни.
Комисијата некомплетните и ненавремни пријави не ги разгледува.
Комисијата од пристигнатите пријави утврдува ранг-листа и му ја доставува на Градоначалникот на разгледување и одлучување.
4.3. Градоначалникот на Општина Прилеп врз основа на доставената ранг-листа од Комисијата донесува Одлука за доделување награди за најдобар наставник во одделенска и предметна настава во општинските основни училишта и најдобар наставник во средните општински училишта во Општина Прилеп
Одлуката за доделување награди за најдобар наставник во одделенска и предметна настава во општинските основни училишта и најдобар наставник во средните општински училишта во Општина Прилеп која ја донесува Градоначалникот на Општина Прилеп ќе се објави и на веб-страната на Општина Прилеп.
Бр.03-1781/1
24.06.2024 година
Општина Прилеп