Врз основа на Договорот за соработка помеѓу Агенцијата за вработување на РСМ (АВРСМ), и Договорот за соработка Програмата за развој на Обединетите нации (УНДП) и Општина Прилеп, во рамките на Оперативниот план за активни програми и мерки за вработување и услуги на пазарот на трудот за 2024 година усвоен од Владата на Република Северна Македонија, Програмата Општинско – корисна работа финансирана од Буџетот на Агенцијата за вработување на РСМ, на ден 24.06.2024 година се објавува:
Ј А В Е Н П О В И К
до
евидентирани невработени лица за вклучување во
Програмата Општинско – корисна работа
Се повикуваат сите евидентираните невработени лица кои се заинтересирани да се вклучат во програмата Општинско-корисна работа, проект “Во служба на заедницата преку Општинско – корисна работа“ за вклучување/работно ангажирање со скратено работно време од 9 (девет) месеци заради стекнување на вештини и постепено вклучување на пазарот на труд, да се пријават во Агенција за вработување- Центар за вработување Прилеп.
Евидентираните невранботени лица кои немаат сертификат/уверение признаен од релевантните институции за стекнати вештини/ компетенции за занимања од социјалната и здравствената сфера согласно услугата која треба да се испорачува ќе бидат вклучени во програмата при што 3 месеци ќе добијат задолжителна обука и 6 месеци работно ангажирање.
Вкупниот период на влученост на невработените лица преку програмата изнесува 9 месеци во кој влегува обуката и работниот ангажман.
Евидентираните невработени лица кои ќе бидат вклучени во Програмата „Општинско-корисна работа“ ќе бидат работно ангажирани со скратено работно време со 20 (дваесет) работни часови неделно, при што за време на задолжителната обука од 3 (три) месеци за лицата кои не поседуваат соодветен сертификат/уверение признаен од релевантните институции за стекнати вештини/ компетенции за занимања од социјалната и здравствената сфера согласно услугата која треба да се испорачува и за време на работниот ангажман од 6 (шест) месеци/ 9(девет) месеци статусот на невработените лица останува непроменет, а на невработените лица-корисници на паричен надоместок и на корисници на право на Гарантирана минимална помош за времетраење на работно ангажирање ќе им биде активно претходно остварено право.
Право на учество во Програмата „Општинско-корисна работа“ имаат сите невработени лица, при што предност ќе имаат лицата кои за прв пат се јавуваат за учество во Програмата.
За кандидатите кои ќе бидат избрани и вклучени во Програмата Општинско-корисна работа се предвидува паричен надоместок во висина од 13.750,00 денари бруто износ за времетраењето на обуката и работното ангажирање, со вклучени данок на личен доход и осигурување за инвалидност и телесно оштетување причинето со повреда на работа и професионална болест.
Евидентираните невработени лица кои ќе се пријават за учество во Програмата Општинско-корисна работа треба да припаѓаат на една од следните целни групи невработени лица:
- долгорочно невработени лица (над 12 месеци во евиденција, со предност на невработени лица над 5 години)
- млади лица до 29 години
- лица постари од 50 години
- лица корисници на гарантирана минимална помош
- лица корисници на паричен надоместок по основ на невработеност
- лица кои имале статус на деца без родители и родителска грижа
- жртви на семејно насилство
- лица со попреченост
- жени припадници на ромската етничка заедница и на останатите етничките заедници
- лица припадници на ромската етничка заедница
- самохрани родители
- родители на деца со пречки во развојот
- родители на 3 и повеќе деца
Работните позиции кои се опфатени со овој оглас се однесуваат на ангажирање на :
Работно место 1: Неговател/ка во ЈОУДГ „Наша Иднина“
Нега на деца во претшколска возраст
Позиции за работно место 1: 5 (пет) позиции
Потребни квалификации и занимања за Работно место 1:
– Минимум ССС (од соодветни профили)
– Со или без работно искуство
– Со поретходно стекната важечка лиценца за неговател издадена од Комисија за лиценцирање на стручни лица во системот за згрижување и воспитание на деца од предучилишна возраст и на директори на установи за деца при МТСП
Ангажман за 9 месеци (4 часа дневно, 20 часа неделно)
Сите кандидати треба да бидат активни баратели на работа.
Работно место 2: Неговател/ка и аниматор за подобрување на социјалниот живот во Дом за стари лица „Киро Крстески – Платник“
Нега на стари и изнемоштени лица и подобрување на социјалниот живот кај старите лица
Позиции за работно место 2: 1 (една) позиција
Потребни квалификации и занимања за Работно место 2:
– Минимум основно образование
– Со или без работно искуство
Ангажман за 9 месеци (4 часа дневно, 20 часа неделно)
Сите кандидати треба да бидат активни баратели на работа.
Работно место 3: Неговател/ка и аниматор за подобрување на социјалниот живот во Дневен центар за лица со церебрална парализа
Нега на лица со церебларлна парализа и реализација на активности за подобрување на социјалниот живот.
Позиции за работно место 3: 1 (една) позиција
Потребни квалификации и занимања за Работно место 3:
– Завршено средно образование
– Со или без работно искуство
Ангажман за 9 месеци (4 часа дневно, 20 часа неделно)
Сите кандидати треба да бидат активни баратели на работа.
Работно место 4: Фасилитатор за подигнување на јавна свест за превенција при откривање на рак на дојка и други болести
Подобрување и зголемување на свесноста и редовна грижа за здравјето кај жените со самото тоа и спречување на болести преку одржување на едукативни средби.
Позиции за работно место 4: 1 (една) позиција
Потребни квалификации и занимања за Работно место 4:
– Завршено средно медицинско образование
– Со или без работно искуство
Ангажман за 9 месеци (4 часа дневно, 20 часа неделно)
Сите кандидати треба да бидат активни баратели на работа.
Заинтресираните невработени лица Пријави за учество во Програмата „Општинско-корисна работа“ можат да поднесат во Агенција за вработување- Центар за вработување Прилеп во периодот од 24.06.2024 година до 28.06.2024 година, од 08:00 до 14:00 часот.
Поконкретните услови, права и обврски ќе бидат уредени со склучување на Договор помеѓу општина Прилеп и избраните кандидати.
Детални информации за Програмата „Општинско-корисна работа“ можат да се добијат во општина Прилеп кај лицето Маја Бешировска majabeshirovska1988@gmail.com , Општински координатор за Програмата „Општинско-корисна работа“, Агенција за вработување- Центар за вработување Прилеп кај лицето Мартина Младеновиќ Малкоска, Центар за социјлна работа Прилеп кај лицето Зоран Малкоски.
Градоначалник на Општина Прилеп
Борче Јовчески
_______________________