Со полна вреќа подароци, денеска Дедо Мраз им приреди изненадување на децата кои се хоспитализирани на Детското одделение во Општата болница „Борка Талески“ во Прилеп. Изненадувањето за најмладите го организираше спасителната служба „Златоврв“, во соработка со Општина Прилеп и прилепската Општа болница кои ги обезбедија подароците.
Поради пандемијата со ковид-19, наместо да влегува во болницата , Дедо Мраз спуштајќи се со јаже од покривот на болницата, им ги достави новогодишнитепакетчиња на најмладите, сместени во Детското одделение, а исто така го посети и Акушерското одделение.
На задоволство на најмладите кои се на лекување во болницата, во согласност со протоколите за заштита,им беше овозможено и фотографирање со најомилениот новогодишен лик, Дедо Мраз.
