Почитувани сограѓани,
Илинден, е симбол на победата на македонскиот непокор.
Одбележуваме 116 години од Илинденското востание и 75 години од Првото заседание на АСНОМ. Илинден е ден кога славиме и се потсетуваме на голем број револуционери и борци за независна Македонија, кои со својата крв ги испишаа најславните страници од историјата на македонскиот народ.
Празнувајќи го овој датум, да им се заблагодариме и да им оддадеме почит на сите знајни и незнајни херои од нашата историја, зашто врз темелите што тие ги поставија опстојува современа и самостојна Македонија.
Наша обврска е да продолжиме посветено да работиме на изградба на модерно, просперитетно и европско општество.
Нека ни е честит Илинден.
За многу години!
Градоначалник на Општина Прилеп
Илија Јованоски